آخر تحديث: 2026-10-05
Veylmont One منصة بتجمّع المشترين على مشاريع عقارية عشان ياخدوا خصم أكبر. الصفحة دي بتشرح بنجمع إيه من بياناتك، وليه، وإزاي بنحميها.
اسمك، وإيميلك أو رقم موبايلك، والغرض من الشراء (سكن أو استثمار)، والحجوزات اللي بتعملها. وعلشان نأكد هويتك قبل أول حجز: صورة بطاقة الرقم القومي وش وضهر، وصورة سيلفي وإنت ماسكها علشان نتأكد إن البطاقة بتاعتك.
نأكد إن كل عضو شخص حقيقي، ونطبّق قواعد الـ Cycles (زي فصل السكن عن الاستثمار وسقف المستثمرين)، ونبعتلك أكواد الدخول والتحديثات المهمة عن حجوزاتك.
صور البطاقة بيشوفها فريق المراجعة في Veylmont بس، وكل مرة حد يفتحها بتتسجل. مش بنبيع بياناتك ولا بنشارك صور بطاقتك أو بياناتها مع أي حد، ولا حتى المطوّر. المطوّر بيعرف اسمك ووسيلة التواصل اللي تخصّ حجزك، وبيشوف إيصال دفع الحجز اللي إنت بترفعه علشان يأكد استلام الفلوس، وبياخد باقي بيانات التعاقد منك مباشرة. وفريق مبيعات Veylmont المسؤول عن المشروع بيشوف اسمك ووسيلة التواصل وحالة حجزك وإيصال الحجز اللي المطوّر بعتهولك علشان يتابع معاك، ومش بيشوف صور بطاقتك ولا إيصال الدفع اللي بترفعه. وجيرانك في نفس الـ Cycle بيشوفوا اسمك وصورتك الشخصية (لو رفعتها) بس، ومحدش منهم يقدر يشوف إيميلك أو رقمك أو أي بيانات تانية.
صور البطاقة بتتحفظ متشفّرة، وبنمسح منها بيانات مخفية زي مكان التصوير ونوع الجهاز، وما بتتبعتش في أي إيميل. الاتصال بالموقع كله مشفّر.
بنحتفظ بصور البطاقة طول ما حسابك موجود أو لحد ما تطلب مسحها، علشان نرجعلها لو حصل خلاف على حجز. بعد المسح بيفضل بس إن هويتك اتأكدت وإمتى.
تقدر تطلب نسخة من بياناتك، أو تصحيحها، أو مسح صور بطاقتك أو حسابك كله، من خلال التواصل معانا.
من تطبيق Veylmont One: افتح «الحساب» ← «مسح حسابي» ← علّم على التأكيد واضغط «امسح حسابي». من الموقع: ادخل على حسابك ← «الحساب» ← «مسح حسابي». وتقدر كمان تبعتلنا على admin@veylmont.com من نفس الإيميل بتاع حسابك. المسح بيحصل فورًا: بنمسح نهائيًا اسمك وإيميلك أو رقمك وصورتك وصور بطاقتك وإشعاراتك وأجهزتك وبتخرج من كل الأجهزة. الحجوزات اللي حصلت بتفضل عند المطوّر من غير اسمك علشان حساباته، وأي فلوس ليك عند المطوّر بتفضل حقك.
لأي سؤال أو طلب عن بياناتك ابعتلنا على admin@veylmont.com.